Күнгей Алатауы – Солтүстік Тянь-Шаньдағы тау жотасы. Ол Қазақстан мен Қырғызстан шекарасы аралығында орналасқан. Оңтүстігінде Ыстықкөл қазаншұңқырымен шектеседі, солтүстігіндегі Іле Алатауынан оны Шоңкемін және Шілік өзендері бөледі. Орташа биіктігі 3800-4200 м. Ұзындығы 280 км. 
Күнгей Алатауының жер бедері биік тау сілемдерімен, сүйір пирамида тәрізді жеке таулар мен асу, шыңдардан тұрады. Олар – Қуғантыр, Бұрғансу, Шоңөрікті, Қыземшек, Құрметі, Саты, Қорымды, Тоқымбұлақ, Қарақия. Күнгей Алатауы граниттерден, төменгі палеозойдың құмтастарынан және әктастардан түзілген. Шатқалдарында Тянь-Шань шыршасы өседі. Бізге «Қазәуеорманқорғау» РМҚК ұшқыштарымен бірге Күнгей Алатауындағы Жалаңаш орманшылығы мен Қарақия шыңының ғажайып бейнесін түсіріп алудың сәті түсті. 

http://tengemonitor.kazgazeta.kz/news/30067