Жалпы ережелер
Еңбекті қорғауды және қызметкерлердің қауіпсіздігін қамтамасыз ету «Казавиалесоохрана» РМҚК қызметінің басым бағыттарының бірі болып табылады. Кәсіпорын ормандарды авиациялық қорғауды, авиациялық жұмыстарды орындауды, қызметкерлерді десанттауды және орман өрттерін сөндіруге қатысуды жүзеге асырады, бұл жоғары қауіптілік жұмыстарына жатады.
Барлық өндірістік міндеттер Қазақстан Республикасының еңбекті қорғау, авиациялық және өрт қауіпсіздігі саласындағы заңнама талаптарына сәйкес орындалады.
Жұмыстарды орындауға медициналық куәландырудан, кәсіптік дайындықтан, еңбекті қорғау бойынша оқытудан және нұсқамадан өткен, сондай-ақ қажетті жеке қорғаныш құралдарымен қамтамасыз етілген қызметкерлер жіберіледі.
Жұмыстарды қауіпсіз орындауды ұйымдастыру
Жұмыс басталар алдында жабдықтың, құрал-саймандардың, түсіру және өртке қарсы жарақтардың, байланыс және жеке қорғаныш құралдарының техникалық жай-күйі тексеріледі. Қызметкер жұмыс орнының қауіпсіздігіне көз жеткізуге және өзі рұқсат етілген жұмыстарды ғана орындауға міндетті.
Жұмыс барысында белгіленген технологиялық процесті, еңбекті қорғау жөніндегі нұсқаулықтардың талаптарын және жұмыс жетекшісінің өкімдерін сақтау қажет. Ақаулы жабдықты пайдалануға және қауіпсіздік талаптарын бұзуға жол берілмейді.
Жұмыс аяқталғаннан кейін жабдық қауіпсіз күйге келтіріледі, анықталған ақаулар туралы жауапты лауазымды адамдарға міндетті түрде баяндалуға тиіс.
Авиациялық жұмыстарды орындау кезіндегі қауіпсіздік
Әуе кемелерінің жұмыс аймағына отырғызу, түсіру және онда болу тек экипаж мүшелерінің нұсқауы бойынша жүзеге асырылады. Ұшу кезінде қызметкерлер авиациялық қауіпсіздік талаптарын сақтауға, жабдықты дұрыс орналастыруға және қауіпсіздік белдіктерін пайдалануға міндетті.
- ✕айналып тұрған винттерге және жұмыс істеп тұрған қозғалтқыштарға жақындау;
- ✕әуе кемесінің есіктерін өз бетінше ашу;
- ✕экипаждың рұқсатынсыз кабина ішінде жүру;
- ✕әуе кемесінің бортында темекі шегу;
- ✕бекітілмеген жүктерді тасымалдау.
Десанттау және орман өрттерін сөндіру кезіндегі қауіпсіздік
Десанттауды орындар алдында түсіру құрылғыларының, сақтандыру жүйелерінің, байланыс құралдарының және жеке жарақтың жарамдылығы тексеріледі. Түсу кезінде қызметкерлер шығарушының командаларын орындауға және белгіленген іс-әрекеттер реттілігін сақтауға міндетті.
Орман өрттерін сөндіру кезінде алдын ала өрт жағдайы бағаланады, қауіпсіз шегіну бағыттары айқындалады және жұмысқа қатысушылар арасында тұрақты байланыс ұйымдастырылады. Жұмыстарды орындауға тек топ құрамында, жеке қорғаныш құралдарын міндетті түрде пайдалана отырып жол беріледі.
- ✕жалғыз жұмыс істеу;
- ✕отпен қоршалу мүмкін аймаққа кіру;
- ✕жұмыс орнын өз бетінше тастап кету;
- ✕өмір мен денсаулыққа қауіп төнген кезде жұмысты жалғастыру.
Жеке қорғаныш құралдары
Орындалатын жұмыстардың сипатына байланысты қорғаныш дулығалары, арнайы киім мен аяқ киім, қолғаптар, қорғаныш көзілдіріктері, сигналдық жилеттер, респираторлар, сақтандыру жүйелері және басқа да жеке қорғаныш құралдары пайдаланылады.
Жеке қорғаныш құралдарын пайдалану міндетті болып табылады.
Өрт және өндірістік қауіпсіздік
Жанар-жағармай материалдарымен және химиялық заттармен жұмыс істеу кезінде өрт қауіпсіздігі талаптарын сақтау, ашық отты пайдалануды болдырмау, отынның төгілуінің алдын алу және материалдарды арнайы жабдықталған орындарда сақтауды қамтамасыз ету қажет.
Дала лагерьлерін ұйымдастыру кезінде қызметкерлерді қауіпсіз орналастыру, санитарлық талаптарды сақтау, ауыз судың болуы және отынды қауіпсіз сақтау қамтамасыз етіледі.
Штаттан тыс жағдайлардағы іс-әрекеттер
Авариялық немесе өзге де қауіпті жағдай туындаған кезде қызметкер міндетті:
- 1жұмысты дереу тоқтату;
- 2айналасындағыларды ескерту;
- 3тікелей басшыға хабарлау;
- 4қажет болған жағдайда алғашқы көмек көрсету;
- 5авариялық жағдайларды жою бойынша белгіленген тәртіпке сәйкес әрекет ету.
Медицина қызметкерлері келгенге дейін оқиға орнының қауіпсіздігін қамтамасыз ету, жедел қызметтерді шақыру және қауіпті жағдайдың одан әрі дамуының алдын алу бойынша шаралар қабылдау қажет.
Қауіпсіз жұмыстың негізгі қағидаттары
- 1еңбекті қорғау, техника және өрт қауіпсіздігі талаптарын сақтау;
- 2тек жарамды жабдық пен жеке қорғаныш құралдарын пайдалану;
- 3жұмыстарды тек берілген рұқсат шегінде орындау;
- 4авиациялық қауіпсіздік талаптарын сақтау;
- 5барлық ақаулар, оқиғалар және ықтимал қауіпті жағдайлар туралы дереу хабарлау.
Кәсіпорынның басты басымдығы
Еңбекті қорғау және қауіпсіздік талаптарын сақтау — ормандарды авиациялық қорғау және Қазақстан Республикасының орман қорын қорғау жөніндегі міндеттерді тиімді орындаудың міндетті шарты.
«Казавиалесоохрана» РМҚК-ның басты басымдығы — қызметкерлердің өмірі мен денсаулығын сақтау.
Еңбекті қорғау қызметінің байланыстары
Еңбекті қорғау, техника қауіпсіздігі және өндірістік қауіпсіздік мәселелері бойынша қызметкерлер «Казавиалесоохрана» РМҚК еңбекті қорғау қызметіне жүгіне алады.